Community Manager bat den pertsonaren funtzio nagusienetako bat komunitateaz arduratzea da. Izan ere, pertsona horrek komunitatea kudeatu, sortu eta dinamizatu behar du. Are gehiago, komunitatea Interneten, hau da, sarean sortu behar du. Horretarako, lanpostu hori duen pertsonak gaitasun, trebetasun  eta ekintza zehatz batzuk izan behar ditu. Gaitasunen artean, sektoreari buruzko ezagutza izan behar du, sormena erabili behar du eta kultura 2.0ren zer den jakin behar du, besteak beste. Trebetasunen kasuan, aldiz, ondo hitz egin behar du, hau da, jendaurrean hitz egiten trebea izan behar da, taldean lan egiten jakin behar du. Azkenik,  horrelako lanpostu bat izatea nahi duen pertsona irekia izan behar da, konektatzailea, komunitatearen aldekoa …

Dena den, Community Manager batek honako erantzukizunak izaten ditu: bezeroei entzutea, beraien galderei erantzutea, informazioa transmititzea, enpresaren egoera nolakoa den adieraztea, liderrak aurkitzea eta komunitate eta enpresaren arteko bidea aurkitzea.

Horren ondorioz, nire trebetasunak, gaitasunak eta ekintzak kontuan hartzen baditut, egia esan, ni ez nintzateke Community Manager izango. Hala ere, lanpostu hori izatea ez litzaidake gustatuko. Izan ere, nik komunikazioaren munduan lan egitea nahi dut, baina ez modu horretan. Gainera, nire ustez, horrelako lanpostuek benetan eskatzen dena baino gehiago exijitzen dute, hau da, Community Manager batek enpresaren munduko ezagutza minimo bat izan behar du, marketingaren inguruan jakin behar du, sare sozialetan aditua izan behar da …

Hasieran, Goiena zer den adierazi digu. Debagoieneko herrialdeek osatzen duten hedabide bat da, baina hedabide horren barruan hainbat komunikabide daude. Gainera, Goiena, kooperatiba bat da eta 54 pertsonek egiten dute lan.  Hedabide hau lau zatitan banatzen da: Goitb (Goiena telebista) %13.1eko audientzia duena, Arrasate Irratia 1.000 entzule dituena, Goiena.net egunean 2.300 bisita dituena eta Goienkaria (debagoieneko egunkaria) 45.000 irakurle dituena.

Bere aurkezpeneko gairik garrantzitsuena edo nabarmenena komunitatearena izan da. Horretarako, lau bideo ezberdin erakutsi digu guztiak Goienan sortutakoak eta bideo bakoitzean komunitate ezberdin baten berri eman da.

Horrez gain, komunitateen nolakotasunaren inguruan jardun du Ibanek. Izan ere, bere ustetan, komunitate bakoitzak hainbat ideologia jarraitzen baditu hobe izango da.Era horretan, alderdi jakin bat lotuta egotea ekidingo dute.

Azkenik, gaur egungo egoeraren inguruan hitz egin digu. Izan ere, gaur egun guztiok dugu ordenagailu bat eta guztiok erabiltzen dugu Internet. Hori dela eta, gazteek, hau da, garai digitalean jaio direnak ez dutela irakurtzen adierazi digu. Are gehiago, gazteak ikus-entzunezko kulturatik datozenez, natibo digitalak dira eta guztia ikusi egiten dute.

Oraingoan nire izen abizenak Google bilatzailean idatzi ditut, baina ez  dut aspertuta nengoelako egin  baizik eta irakasleak hori egiteko eskatu digulako. Beraz, irakasleak eskatutakoa bete dut eta honakoa aurkitu dut: nire izenaren inguruan hamar orrialde daude, hau da,  guztira

Hasiera batean, nire izenaren inguruan ez zela ezer egongo pentsatzen nuen. Izan ere, lehenengo bi emaitzak Maialen Regueiro Larrearen ingurukoak dira. Hala ere, beste guztiek badute nirekin zerikusia.

Argazkien orrialdea aztertuz, lau orrialde daude soilik, hau da, gutxi gora behera 68 emaitza. Dena den, nirekin zerikusia duen argazki bat soilik dago. Argazki batean, nire gelakide batzuk ageri dira gelako afari batean ateratako argazkia baita, baina ni afari horretara ez nintzen joan. Egia da, argazki batzuk nire gelakide batzuen blogetan argitaratzeko erabili direla eta agian, blog batzuetan nire blogera sartzeko aukera dagoela, baina nire argazkirik ez dago.

Youtuben adibidez, uste dut lan baterako egin genuen bideoa eskegi zuela nire gelakide ohi batek. Dena den, bideoari izen zail bat jartzea erabaki genuen guztiz publikoa ez izateko.

Ikus daitekeen moduan, ni ez naiz edozein pertsonaia famatu bezain ezaguna. Dena den, gaur egun entzuten diren kontuekin, nahiago dut sarean nire inguruko argazki edota informaziorik ez badago. Izan ere,  gaur egun edozer gauza egin dezakete zure datu pertsonalekin eta nik pertsonalki nire pribatutasuna gorde nahi dut.

“Google calendar” egutegi digitala bat da. Googlen kontu bat duten pertsonek erabil dezakete eta guztiz pertsonala da, hau da, pertsona bakoitzak bere berezko egutegia egin dezake. Are gehiago, egutegi bat baino gehiago egin daitezke.

Egutegi bat izateaz gain, pertsona bakoitzak bere egiteko guztiak adieraz ditzake “tarea” aukeran. Gainera, dagoeneko egina dagoen egutegi bat zeureganatu dezakezu. Adibidez, Errealaren urte osoko egutegia eskuragarri dago eta zeurea eginez gero, partidu guztien berri izateko aukera izango duzu. Are gehiago, partidu amaitzen denean, egutegian bertan partidu horren emaitza adierazita agertzen da.

Dena den, nik pertsonalki ez nuke “google calendar” erabiliko. Egia da, aukera honekin orriak edo agendak alde batera utzi daitezkeela, baina agenda bat eskuragarriago dagoela uste dut. Izan ere, egutegi digital hau erabiltzeko ordenagailua piztu behar duzu eta askotan, errazagoa da logelako mahai gainean edukitzen dugun agenda kontsultatzea. Horrez gain, gaur egun telefono mugikorrak izanda bertako agenda erabil daiteke. Are gehiago, telefono mugikorrak zuk agindutako guztiaren berri ematen dizu, hau da, bihar arratsaldeko 5etan medikua duzula agindu badiozu, zuk goizeko 12etan edo nahi duzun orduan abisua adierazteko agindu diezaiokezu. Era horretan, ez daukazu ordenagailua edo papera erabili beharrik.

Enpresa honen helburua jendea Internet bidez informaturik egotea da. Horren ondorioz, blog honetan jorratzen diren gaiak honakoak dira: Internet, teknologia eta Internet eta euskararen arteko erlazioa. Horrez gain, eguneko albiste edo nobedade batzuk ere gehitzen dituzte, baina ez da gaurkotasuneko webgune bat.

Egia esan, ez dut “Sustatu” inoiz erabili, baina webgune honen inguruan entzun dudan guztia positiboa izan da. Hala ere, jorratzen dituen gaiak oso interesgarriak eta gaurkotasunekoak direla uste dut. Izan ere, gaur egun guztion ahotan daude Internet eta teknologia hitzak. Gainera, gai horien inguruan dauden bitxikeriak argitaratzen dituzte eta batzuetan zentzugabekeri hutsak izan arren jendearen interesa piztea lortzen dute. Testuaz gain, argazkiak zein bideoak txertatzen dituzte eta hori ezaugarri garrantzitsu bat dela esango nuke.

Garrantzitsua da pasahitz bakarra izatea arazorik ez izateko. Izan ere, webgune bakoitzarentzat pasahitz bat izaten baditugu eta gara guztiekin gogoratuko. Beste aukera bat pasahitz guztiak idatzita izatea da.

Jende askok ohiko hitzak edo hiztegiak aurkitutako hitzak erabiltzen ditu pasahitz gisa. Nire ustetan, hori arrisku bat litzateke. Izan ere, edozeinek edozein hitz  pasahitz gisa proba dezake eta kasualitatez pertsona baten pasahitza izan eta pertsona horren gauzetan aritu. Ondorioz, hobe da pertsonak berak asmatutako pasahitz bat sortzea arazoak ekiditeko.

Batzuek bere datu pertsonalak erabilita sortzen dute pasahitza, besteak beste, jaiotze data. Horrelako kasuak ere arriskutsuak direla esango nuke. Izan ere, edozein pertsonak zure jaiotze data jakinda zure pasahitza hori dela proba dezake eta asmatu.

Egia esan, nik inork asmatuko ez lukeen pasahitz bat sortuko nuke, hau da, ez nuke nire jaiotza data erabiliko ezta hiztegian aurkitutako hitz bat. Alde batetik, nirekin zerikusia duen hitz bat erabiliko nuke, pasahitz erabili behar dudanean gogorarazteko eta bestalde, nirekin zerikusia izan arren, inork asmatuko ez lukeen hitzen bat erabiliko nuke eta horrela, ez nituzke arazoak izango. Horrez gain, hitz bat sortzerako orduan, segurua den hitz bat sortuko nuke eta horretarako, hitz luzeak hobeak dira.

Lurrikara honek ez ditu hildakoak soilik utzi. Hildakoez gain, zauritu eta kalte asko eragin ditu herrialdean. Horren ondorioz, mundu oso jendea ahal zuten heinean laguntzera joan dira. Horien artean, Euskal Herriko Ertzaina eta Eusko Jaurlaritzako larrialdi teknikaria. Horrez gain, herrialde askok diru-laguntzak eman dituzte, besteak beste, Eusko Jaurlaritzak 200.000 euroko diru-laguntza eman zuen.

Historian zehar beste hainbat lurrikara jasan izan behar ditu Haitik. Dena den, adituek adierazi dutenez, 2010eko urtarrilean gertatu zen hura izan da gogorrena edo kalte gehiago eragin duena.

Kontuan hartu behar da, Haiti Ameriketako herrialde txiroena dela eta horrelako gertaera batek eragin dezakeena. Izan ere, herrialde honen biztanleriaren %80a txiroa da eta gutxienarekin konformatzen dira eta beraien helburu nagusia janaria izatea da.

Gainera, lurrikara gertatu zenean, adituek egoera oso larria zela ikusi zuten eta bertako biztanleei lehenbailehen bertatik alde egiteko gomendatu zieten. Horietako batzuk horrela egin zuten, baina beste asko Haitin geratu ziren.

Gaur 2010eko martxoaren 18a eta oraindik Haiti ez da egunerokotasunera bueltatu. Are gehiago, ez dituzte desagertutako gorpu guztiak aurkitu.